I RIMM DA MILÀN: CORONAVIRUS

CULTURA E SOCIETÀ

Rime in dialetto milanese di Elisa Prada

CORONAVIRUS

Sèmm chi in solitùdin dént'in cà

èmm cuntàa l'ultim fil d'erba dént'el pràa

el corona virus el me tegn imprigionàa

el se ved no, ma tanta pagura el fà.

L'è óna spada in sul cóo, la fà tremà,

per fortùnna che WhatsApp visin fà stà

e gént che sérom ón póo desmentegàa

e se fann viv per podè ón póo cicciarà.

De témp ghe n'èmm finchè se voeur

I penser vècc la mént i ha registràa

e la memoria i fà risuscitàa

in argomént che fà piasè de ricordà.

La tristèzza la gh'è, l'è inevitàbil,

gh'è el ricordo de tucc quei che m'hann lassàa

l'angoscia l'è dùra de passà

però i bèi pensér me deven compagnà.

Sperèmm ch'el Signór el me scòltarà

in tanti i preghier che gh'èmm mandàa

cón compassión el sò sguàrdo el piegarà

e prèst la soluzión la rivarà.

Elisa Prada

31 marzo 2020