I RIMM DE MILÀN : PADRE LEOPOLDO

CULTURA E SOCIETÀ

Te seet chi in sùl comodin che te me vardet,

I tò oeùcc se speggén in di me

ón soris pién de dolcèzza e sentimént

el me invida a parlat , silenziosamént.

ó

I tò cónsili se porten in dél coeùr,

insegnamént de sperànza e caritàa

e quànti ròbb e vorarissi ditt

ma son sicùra che ti e cognosset già.

Te preghen tùcc per i pròpi famigliàr ,

e gh'hann pagura ón póo d'esagerà,

la tòa paziénza l'è nota, se sà già

e nùmm a ti ricórrom per pietà

ó

Tanti e sann pù in de sbatt el cóo,

ma innanz deven tùcc andà,

sò che te podet, te preghi de scoltà

e a chi gh'ha pussée bisògn dagh óna man.

Cerchen la caritàa cónt el cóo bass,

e se vergognen, conóss voeuren nò fass

e sta brùtta malatia che gh'èmm in càa

i ha miss pussèe ancamò in dificoltàa.

Te seret piscinin , ma cól coeùr grànd.

Anca ti te ne passàa e ti e superàa,

ti te accettavet tùtt cón umiltàa

ma a la fin ón Sant seet diventàa.

Prega, prega ti el Signór de vardà giò

a Ti i miràcol el te permètt de fà

e la tóa atenzión la sia per tùcc nùmm

che siom bon, cattiv o disperàa.

Elisa

Milano 7/12/2020